बैतडी –जिल्लास्तरीय राष्ट्रपति रनिङ शिल्ड प्रतियोगितामा सहभागी भएर फर्केका दशरथचन्द नगरपालिकाका खेलाडीहरुले देहीमाण्डौंस्थित निङ्गलाशैनी खेलमैदानमा सरसफाइ गरेका छन् । 

मंगलबार खेलाडीहरुले खेलमैदानमा सरसफाइ गरेका हुन् । यसअघि जिल्लास्तरीय राष्ट्रपति रनिङ शिल्ड प्रतियोगिताका लागि मेलौली पुगेका बेला पनि दनपाका खेलाडीहरुले मेलौली खेलमैदानमा समेत सरसफाइ गरेका थिए । 
प्रतियोगिताभरी दनपाको टीम अनुशासित टीमको रुपमा चिनिएको नगर खेलकुद विकास समितिका अध्यक्ष भुपेन्द्र चन्दले बताए । प्रतियोगितामा नगरपालिकाले सबैभन्दा बढी २७ पदक जितेको उनले बताए । जिल्लास्तरीय राष्ट्रपति रनिङ शिल्ड प्रतियोगितामा दशरथचन्द नगरपालिकाको टीमले २ स्वर्ण, १३ रजत र १२ कास्य गरेर २७ पदक हात पारेको थियो ।