‘प्रहरी हुँ’ भनेर पैसा असुल्ने बैतडीकी एक युवती पक्राउ

सगुन खबर मंगलबार, फागुन १, २०८०

‘प्रहरी हुँ’ भनेर पैसा असुल्ने बैतडीकी एक युवती पक्राउ

बैतडी- पैसा असुल्ने बैतडीकी एक युवती पक्राउ परेकी छिन् । ‘प्रहरी हुँ’ भनेर ठगेको आरोपमा प्रहरी वृत्त थानकोटले बैतडीकी युवतीलाई पक्राउ गरेको हो । पक्राउ पर्नेमा पुर्चौडी नगरपालिका घर भएकी २४ वर्षीया अमिलाकुमारी साउद रहेकी छिन्। आफू प्रहरीको असईबाट सईमा प्रमोसन भएको बताउने आरोपीले लोभमा पारेर ठग्ने गरेको प्रहरीको अनुसन्धानबाट खुलेको छ।

आरोपी विरुद्ध एक जनाले १ लाख ५० हजार ठगेको भन्दै जाहेरी दिएका छन्। काठमाडौँ महानगरपालिका–१४ स्थित नैकापमा बस्ने साउदको डेराबाट प्रहरीको युनिफर्म बरामद गरिएको प्रहरी वृत्त थानकोटका डीएसपी नारायण अधिकारीले बताए। उनले राष्ट्रिय अनुसन्धानको जवानमा भर्ना गरिदिन्छु भनेर रकम लिएकी हुन्। घटनाबारे प्रहरी वृत्त थानकोटले अनुसन्धान गरिरहेको छ।

प्रकाशित मिति: मंगलबार, फागुन १, २०८० ०९:४०