बैतडी- बैतडीको गोठलापानी देखि शाहीलेक सम्मको राष्ट्रिय प्रशारण लाइन परीक्षण हुँदै छ । नेपाल विद्युत प्राधिकरण बैतडी वितरण केन्द्र अन्तर्गत बजार फिडरको गोठलापानी सवस्टेश्न देखि शाहीलेक बजार सम्मको ११ केभी प्रशारण लाइनमा विद्युत प्रवाह गरि विद्युत  लाइन परीक्षण गरिन लागिएको हो ।

नेपाल विद्युत प्राधिकरण बैतडी वितरण केन्दले एक सूचना जारी गरेर आज र भोलि लाइन परीक्षण हुने  जनाएको   छ। उक्त समयमा विद्युत लाइनको पोल,तार स्टे तथा कुनै पनि विद्युतीय संरचनाहरु नछुन आग्रह गरेको   छ ।

सूचनालाइ बेवास्था गरि कुनै अप्रिय दुघर्टना भए नेपाल विद्युत प्राधिकरण जवाफदेहि नहुने बताइएको छ । साथै लाइन चार्ज गर्ने सिलसिलामा कहिं कतै पडकिएको वा आगोको  झिल्को  देखिएमा खबर गर्न समेत सबैलाई  आग्रह गरिएको  हो ।