बैतडी–बैतडीमा विद्युत सेवा अवरुद्ध भएको छ । बिहान ११ बजेदेखि दिउँसो ४ बजेसम्म विद्युत सेवा अवरुद्ध हुने नेपाल विद्युत प्राधिकरण बैतडी वितरण केन्द्रले जनाएको छ । 

गोठलापानी सवस्टेशनमा ११ केभीको विभन्न फिडरहरु मिलाउनुपर्ने र लाइन व्यवस्थित गर्ने कार्य भइरहेकाले विद्युत सेवा अवरुद्ध भएको नेपाल विद्युत प्राधिकरण बैतडी वितरण केन्द्रले सूचना प्रकाशन गरेर जानकारी दिएको छ । 

विद्युत सेवा अवरुद्ध हुँदा ग्राहकहरुमा पर्न गएको असुविधाप्रति विद्युत प्राधिकरणले क्षमा समेत मागेको छ । विद्युत लाइनलाई व्यवस्थित बनाउने कार्य भइरहेकाले विद्युत सेवा अवरुद्ध भएको नेपाल विद्युत प्राधिकरण बैतडी वितरण केन्द्रका प्रमुख जनार्दन पौडेलले बताए ।