बैतडी- बैतडीको दोगडाकेदामा निःशुल्क स्वास्थ्य शिविर सुरु  भएको  छ । गाउँपालिकाको वडा नं ४ स्थित श्रीकेदार माविमा आइतबारबाट  निःशुल्क स्वास्थ्य शिविर सुरु भएको हो ।

स्वास्थ्य निर्देशनालय सुदूरपश्चिम प्रदेशको सहयोग, काठमाण्डौं मेडिकल कलेजको प्राविधिक सहयोग र श्री केदार संस्कृती संरक्षण सामाज पिपलकोटको आयोजनामा बृहत स्वास्थ्य शिवीर सुरु भएको श्री केदार संस्कृती संरक्षण सामाज पिपलकोटका अध्इक्ष सुरेन्द्र प्रशाद भट्टले जानकारी दिए । काँग्रेसका केन्द्रीय  सदस्य एवं  संघीय सांसद  सुनिल शर्माको प्रमुख  आतिथ्यतामा निःशुल्क स्वास्थ्य शिविर  उद्घाटन  गरिएको  उनले बताए ।

उद्धघाटन कार्यक्रममा प्रमुख जिल्ला अधिकारी भीमकान्त शर्मा, दोगडाकेदार  गाउँपालिकाका उापध्यक्ष पावर्ती कार्की, पाटन नगरपालिकाका नगर उपप्रमुख कमल सिंह बोहरा, अन्य  सरोकारवाला निकाय  लगायत स्थानीय   नागरिकहरुको सहभागिता रहेको थियो । आज पहिलो  दिन ५ सय ४९ जनाले  सेवा लिएका छन् । शिविरमा जनरल मेडिसिन, स्त्री तथा प्रसुती रोग सेवा, बाल रोग सेवा, शल्यक्रिया, हाडजोर्नी तथा नशा रोग, छाला तथा यौन रोग, नाक,कान र घाँटी रोग, दन्त रोग, आँखा, मानसिक तथा नशा रोग, मुटुसम्बन्धी सेवा प्रदान भैरहको  छ ।

यस्तै चिकित्सकको परामर्श अनुसार शिविरमा मुटुको जाँच, प्रयोगशाला सेवा समेत सञ्चालन भइरहेको हो ।  शिविरमा स्वास्थ्य निर्देशनालयले निःशुल्क प्राप्त हुने औषधिहरु दिइरहेको र  काठमाण्डौं मेडिकल कलेजका डाक्टरहरुको टिमले उपचारमा सहयोग गरिरहेको हो ।  भोलि पनि शिविर  सञ्चालन हुने आयोजकले  जनाएको   छ। बिहान ९ बजेबाट हुने  शिविरमा आएर  सेवा लिन पनि आग्रह गरिएको  छ ।