बैतडी- बैतडीको  मेलौली नगरपालिकाले आज शोक बिदा दिएको  छ । वडा नं  ८का कार्यालय सहयोगीको  निधनमा नगरपालिकाले नगर भित्र आइतबार शोक बिदा दिएको हो ।

 मेलौली नगरपालिका८ कोटिगाँउका कार्यालय सहयोगी लक्ष्मण सिंह बिष्टको यही  माघ १२ गते  निधन   भएको  थियो ।  बिहान उपचारको लागि धनगढी जान्छु भनि हिँडेका कार्यालय सहयोगी विष्ट  वडाकै  हरडा खान धर्मशालाको उकालो बाटोमा मृतफेला परेका थिए । आफ्नत स्रोतका अनुसार विष्ट  प्रेसर र सुगर  रोगबाट ग्रसित थिए । उनको  निधनमा गहिरो  दुख व्यक्त गर्दै  नगरपालिकाले  आज शोक   बिदा दिएको हो ।  

नगरपालिकले एक सूचना जारी  गर्दै लामो  समयदेखि कार्यालय सहयोगीको  रुपमा  वडा नं  ८ मा  कामगर्दै  आएका  विष्टको  निधनले  सिङ्गो नगरपालिका स्तब्द भएको जनाएको  छ ।  शनिबार हिजो  बसेको  नगरप्रमुख स्तररिय  निर्णयले आज शोक बिदा दिने  निर्णय गरेको  थियो ।  

मेलौली नगरपालिका, नगर कार्य पालिकाको  कार्यालय, वडा कार्यालय ,नगरक्षेत्र भित्रका सम्पूर्ण  शिक्षण संस्था, स्वास्थ्य संस्था लगायतका सबै  सार्वजनिक कार्यालय एक दिन शोक बिदा दिएको  नगरपालिकाले  जारी गरेको  सूचनामा उल्लेख गरिएको   छ ।