बैतडी - महसुल नतिरेका ग्राहकको लाइन काटेपछि नेपाल विद्युत प्राधिकरण शाखा कार्यालय बैतडीमा १० लाख रकम राजश्व संकलन भएको छ । नेपाल विद्युत प्राधिकरण शाखा कार्यालय बैतडीले १हप्ता विद्युत लाइन काटेर १० लाख रकम राजश्व संकलन गरेको हो ।
ग्राहकको लाइन काटेपछि १०लाख रकम संकलन भएको र रकम बुझाउने ग्राहकको लाइन पुनः जडान गरिएको नेपाल विद्युत प्राधिकरण कार्यालय बैतडीले जनाएको छ । विद्युत लाइन काट्ने क्रम अझैपनि जारी रहेको बताइएको । २ महिना सम्मको महसुुल नतिर्ने ग्राहकको लाइन काट्ने नियम रहेकाले बेलैमा आफ्नो बक्यौता महसुुल बुझाउन बैतडी वितरण केन्द्रका प्रमुख जनार्दन पौडे सबैलाई आग्रह गरेका छन् ।
जिल्लाका १सय ८५ ग्राहकको विद्युत लाइन काटिएको र महशुल नतिरेको ग्राहकको विद्युत लाइन काटिएसंगै रकम तिरेपछि मात्रै पुनः जडान गर्ने काम भैरहेको उनले बताए । बैतडीमा हालसम्म २ करोडबढी रकम विद्युत महसुुल वक्यौता रहेको विद्युत प्राधिकरण वितरण केन्द्र बैतडीले जनाएको छ । केन्द्रको निर्देशन अनुसार नेपाल विद्युत प्राधिकरणले बैतडीले पनि महसुल नबुझाउने ग्राहकको नियमानुसार लाइन काटेर महसुल संकलन गरिरहेको छ ।
