बैतडी- अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) नोबेल क्याम्पस कमिटी अध्यक्षमा बैतडीका भट्ट चयन भएका छन् । जिल्लाको सुर्नया गाउँपालिका वडा नं ३ तडीगाउँ जन्मघर भएका भुवन प्रशाद भट्ट काठमाण्डौँ महानगरपालिकाको सिनामंगल स्थित नोबेल क्याम्पस अनेरास्ववियु कमिटी अध्यक्षमा चयन भएका हुन् ।
नेकपा एमाले निकट अनेरास्ववियु नोबेल क्याम्पस कमिटीको चौथौ सम्मेलनबाट भट्ट अध्यक्ष पदमा निर्विरोध चयन भएका हुन् । अखिल नेपाल राष्ट्रिय स्वतन्त्र विद्यार्थी युनियन अनेरास्ववियुका केन्द्रिय सचिव एवं प्रवक्ता प्रकाश पौडेलको प्रमुख आतिथ्यतामा सम्पन्न सम्मेलनले भट्टको अध्यक्षतामा ३१ सदस्यीय क्याम्पस कमिटी चयन गरेको हो ।
अध्यक्षमा चयन भएका भट्टले विद्यार्थीको हकहितमा काम गर्ने बताएका छन् । आफुलाई विश्वास गरेर निर्विरोध चयन गर्ने सबै प्रति अभार प्रकट गर्दै भट्टले विद्यार्थीहरुका साझा समस्या समाधान गर्न लागि पर्ने वचन बद्धता व्यक्त गरेका छन् । केहि वर्ष पहिले काठमाण्डौँ छिरेका भट्ट अध्ययन संगै विद्यार्थी राजनीतिमा सक्रिय छन् ।
