बैतडी- बैतडीको मेलौली नगरपालिका–२ स्थित धर्मघर माध्यमिक विद्यालयले ७४ औँ बार्षिकोत्सव मनाएको  छ । विद्यालयले ७४ वसन्त पार गरि  ७५ वसन्तमा प्रवेश गरेको    खुसियालिमा  विभिन्न कार्याक्रम गरेर वार्षिकोत्सव मनाएको हो । विद्यालय ब्यवस्थापन समिति अध्यक्ष ईश्वरी भट्टको अध्यक्षतामा भएको  कार्यक्रममा  मेलौली नगरपालिकाका नगर प्रमुख भिम बहादुर चन्द प्रमुख आतिथि रहेका थिए ।

विद्यालयका प्रधानाध्यापक केशव दत्त भट्टले १ करोड ३० लाख २१ हजार बराबरको बार्षिक प्रतिबेदन प्रस्तुत गर्नुभएको थियो । कार्यक्रममा मेलौली नगरपालिका नगर उप–प्रमुख पार्वती बोहरा बिष्ट, मेलौली नगरपालिका वडा न ३, वडा न ९ र वडा न २ का वडा अध्यक्ष, अभिभावक ,विद्यार्थी लगायतकाको उपस्थिति रहेको  थियो ।

 उक्त कार्यक्रममा राष्ट्रिय देउडा गायक महेश कुमार औजी तथा अन्य गायक एवं  कलाकारको समेत उपस्थिति रहेको थियो । कार्यक्रममा बोल्दै  प्रमुख अतिथि समेत रहेका नगरप्रमुख भिम बहादुर  चन्दले विद्यालयको  सर्वाङगीण विकासका लागि पहल गरिने  बताए ।