बैतडी- बैतडीमा चितुवाको बच्चा मृत फेला परेको छ । जिल्लाको दशरथचन्द नगरपालिका ७ कोइराली सामुदायिक वनमा चितुवाको बच्च मृत फेला परेको  जिल्ला प्रहरी कार्यालय  बैतडीले  जनाएको  छ ।  करिब ५ महिनाको चितुवाको बच्चा फेला परेको जिल्ला प्रहरी कार्यालय बैतडीका सुचना अधिकारी, प्रहरी निरिक्षक नन्दराज जोशीले जानकारी दिए ।  उनका अनुसार  शुक्रबार साँझ  स्थानीयहरुले वनमा चितुवाको बच्चा मृत अवस्थामा देखेपछि प्रहरीलाई खबर गरेका थिए । 

शनिबार बिहान डिभिजन वन कार्यालयको टोली र जिल्ला प्रहरी कार्यालयको टोलीले मृत चितुवाको बच्चलाई  डिभिजन वन कार्यालयमा लगेर  व्यवस्थापन गरेको  प्रहरी निरीक्षक जोशीले बताए ।

चितुवाको बच्चाको मृत्युको कारण भने  खुल्न सकेको छैन ।