बैतडीको सुर्नयामा एक वृद्धा तीन दिन देखि बेपत्ता
बैतडी -बैतडीमा एक वृद्धा बेपत्ता भएकी छिन् । जिल्लाको सुर्नया गाउँपालिका वडा नं ३ डुङ्गरी बस्ने ६७ वर्षिया वृद्धा सरस्वती ऐर तीन दिन देखि बेपत्ता भएकी हुन् । सोमबार बिहान घरबाट सरसफाइका लागि हिंडेका आमा अहिले सम्म सम्पर्क नआएका बेपत्ता वृद्धाका छोरा मोहन ऐरले जानकारी दिए ।
सम्पर्क विहिन आमाको खोजतलास गर्दा पनि अहिले सम्म फेला नपरेका उनले बताए । वृद्धा बेपत्ता भएपछि प्रहरीमा समेत खबर गरिएको परिवार स्रोतले जनाएको छ ।
बेपत्ता वृद्धाको खोजि कार्य जारी रहेको जिल्ला प्रहरी कार्यालय बैतडीले जनाएको छ । वृद्धा ऐर तीन दिन देखि बेपत्ता भएपछि घरपरिवार चिन्तामा परेको छ । बेपत्ता ऐरलाई कहिँकतै कसैले भेटे नजिकको प्रहरी अथवा मोबाइल नम्बर ९८६६५०८०१० मा सम्पर्क गरिदिन आग्रह गरिएको छ ।
प्रकाशित मिति: बुधबार, माघ ३, २०८० १२:४०
प्रतिक्रिया दिनुहोस्
थप बैतडी
लोकप्रीय
