दार्चुलाको एक घरमा आगलागी
दार्चुला –दार्चुलाको एक घरमा आगलागी भएको छ । दार्चुलाको नौगाड गाउँपालिका–६ धुलिगडा मझगाँउका जयसिंह धामीको घरमा आगलागी भएको हो ।
धामीको २ तले ६ कोठे घरमा विद्युतको तार सर्ट भई सोमवार दिउँसो आगलागी हुँदा घर भित्र रहेका खाद्यान्न, लत्ताकपडा जलेर नष्ट भएको जिल्ला प्रहरी कार्यालय दार्चुलाले जनाएको छ ।
यस्तै अछामको साँफेबगर नगरपालिका पातलकोटमा आगलागी भएको छ । भान्सामा बालेको आगो घर र गोठमा सल्किदा १ वटा गाई र २ वटा बाख्रा जलेर मरेको जिल्ला प्रहरी कार्यालय अछामले जनाएको छ ।
घटनाका बिषयमा प्रहरीले अनुसन्धान गरिरहेको छ ।
प्रकाशित मिति: मंगलबार, पुस १७, २०८० १०:१२
प्रतिक्रिया दिनुहोस्
थप दार्चुला
लोकप्रीय
