सडकबाट खसेर दार्चुलामा एक किशोरको मृत्यु
दार्चुला –दार्चुलामा सडकबाट खसेर एक किशोरको मृत्यु भएको छ । जिल्लाको अपिहिमाल गाउँपालिका–६का अन्दाजी १८ वर्षीय अशोक धामीको सडकबाट खसेर मृत्यु भएको जिल्ला प्रहरी कार्यालय दार्चुलाका प्रवक्ता प्रहरी निरीक्षक गोविन्द भण्डारीले बताए ।
पडपडा–दल्लेख भित्री सडकखण्डमा हिँडीरहेका धामी शुक्रबार बिहान ९ बजेतिर सडकबाट अन्दाजी ५ सय मिटर तल खसेका र घटनास्थलमै उनको मृत्यु भएको प्रहरी निरीक्षक भण्डारीले बताए ।
धामी ग्वाल्लेक निर्माण सेवा कम्पनीमा स्काभेटर सहयोगीको रुपमा काम गर्दै आएका थिए । मृतक धामीको शव पोष्टमार्टम पछि आफन्त जिम्मा लगाइसकेको प्रहरी निरीक्षक भण्डारीले बताए ।
प्रकाशित मिति: शुक्रबार, पुस १३, २०८० १८:०७
प्रतिक्रिया दिनुहोस्
थप दार्चुला
लोकप्रीय
