बैतडी- दाइ संग भारत जाँदै गरेका बैतडीका एक किशोर बेपत्ता भएका छन् । आफ्नो सहोदर दाइ संगै भारतको बेंगलोर गइरहेका जिल्लाको सुर्नया गाउँपालिका वडा नं २ जेब्लाडाँडाका १८ वर्षिय महेश धामी (पुनम ) सोमवारबाट बेपत्ता भएका हुन् ।
नयाँ दिल्लीबाट ट्रेनमा संगै जानेबेला महाराष्ट्रको हेमन्त नगरपास भन्ने ठाउँबाट भाइ सम्पर्क बिहिन भएका दाइ मोहन धामीले जानकारी दिए । भाइ हराएपछि आफुले सो ठाउँमा खोजतलास गरेपनि कतै नभेटिएका उनले बताए । भाइ हराएपछि भारतमा रहेका चिनेका व्यक्तिहरुलाई समेत खबर गरेको उनले बताए ।
पुनम हराएको कुरा आफु संग आएपछि सुदूरपश्चिमेली नेपाली समाज भारत लगायत सबै साथिहरुसंग तस्बिर सहितको म्यासेज छोडेको भारतको दैहराबादमा रहेका सुर्नयाका युवा विनोद बहादुर विष्टले बताए ।
बेपत्ता पुनमलाई कसैले कहिँकतै भेटे भारतिय मोबाइल नम्बर ९१८२९२४९४५ मा फोन गरेर खबर गरिदिन उनले सबैलाई आग्रह गरेका छन् । भारत जाँदै गर्दा बिच बाटोबाटै पुनम बेपत्ता भएपछि घरपरिवार चिन्तामा परेको छ ।
घरपरिवारले बेपत्ता किशोरको खोजिका लागि भारतमा रहेका सबै नेपालीहरुलाई अनुरोध पनि गरेको छ ।
