डडेल्धुरा –डडेल्धुरामा ११ जना जुवाडे पक्राउ परेका छन् । गएराति अमरगढी नगरपालिका–१ मौरोडास्थित धर्मराज जोशीको जस्ता पाताले छाएको बाँझो कच्ची घरबाट जुवाडे पक्राउ परेका हुन् ।
जुवातास खेलीरहेको भन्ने बिशेष सूचनाका आधारमा उनीहरूलाई पक्राउ गरिएको जिल्ला प्रहरी कार्यालय डडेल्धुराका सूचना अधिकारी प्रहरी निरीक्षक कुसुम नायकले जानकारी दिए ।
पक्राउ पर्नेमा अमरगढी नगरपालिका–१ मौरडा बस्ने ४३ वर्षीय ओमप्रकाश जोशी, ६० वर्षीय गणेश चुनारा, २९ वर्षीय पूर्णबहादुर दमाई, ६१ वर्षीय उद्धब सार्की, ४० वर्षीय मनोजदत्त भट्ट र ३३ वर्षीय प्रकाश केसी रहेका नायकले बताए ।
त्यस्तै सोही ठाउँका ४२ वर्षीय तेजबहादुर ऐर, २६ वर्षीय दिपक बिक, ४० वर्षीय सुरेश भट्ट, अमरगढी २ बस्ने ३४ वर्षीय दिनेशराज भट्ट र ३४ वर्षीय दिपक भण्डारीलाई समेत पक्राउ गरिएको छ ।
उनीहरूको साथबाट २१ हजार ३ सय ७९ सहित दुई गड्डी तास बरामद गरिएको प्रहरीले जनाएको छ ।
