कञ्चनपुरको एक गोठमा आगलागी हुँदा दुई लाख बराबरको क्षति
कञ्चनपुर –कञ्चनपुरको कृष्णपुर नगरपालिकास्थित एक गोठमा आगलागी हुँदा दुई लाख बराबरको क्षति भएको छ ।
नगरपालिकाको वडा नम्बर–२ बंक बस्ने धनबहादुर चन्दको दुई तले कच्ची भान्छा घरसँगै जोडिएको भैँसी बाँध्ने गोठमा झिँगा धपाउनका लागि बालेको आगो सल्केर आगलागी भएको हो ।
आईतबार आगलागी हुँदा गोठमा रहेको पराल, भुसा, काठपात लगायतका सामान जलेर दुई लाख बराबरको क्षति भएको प्रहरीले जनाएको छ ।
प्रहरी, स्थानीय बासिन्दा र दमकलको सहयोगमा आगलागी नियन्त्रणमा लिइएको थियो ।
प्रकाशित मिति: सोमबार, कात्तिक २०, २०८० ०९:१७
प्रतिक्रिया दिनुहोस्
