बैतडी –बैतडीको दशरथचन्द नगरपालिकामा भोलिदेखि नगरस्तरीय टी–२० क्रिकेट प्रतियोगिता सञ्चालन हुने भएको छ । नगर खेलकुद विकास समितिको बार्षिक कार्यक्रम र दशरथचन्द नगरपालिकाको सहयोगमा क्रिकेट प्रतियोगिताको आयोजना गरिन लागेको हो ।
बुड्डाबाजे खेलमैदान रातामाटामा सञ्चालन हुने प्रतियोगिताको भोलि एक समारोहकाबीच उद्दघाटन गरिनेछ । प्रतियोगितामा ११ ओटै वडा ११ टीमको सहभागिता रहने नगर खेलकुद विकास समितिका अध्यक्ष भुपेन्द्र चन्दले जानकारी दिए ।
यही कार्तिक २३ गते सम्म सञ्चालन हुने प्रतियोगितामा प्रथम हुने टीमलाई नगद २२ हजार ५ सयसहित ट्रफी, मेडल र प्रमाणपत्र प्रदान गरिनेछ । यस्तै दोश्रो हुने टीमलाई नगद १५ हजारसहित ट्रफी, मेडल र प्रमाणपत्र प्रदान गरिने आयोजकले जनाएको छ ।
यस्तै म्यान अफ दि सिरिजलाई नगद २ हजार २५० सहित ट्रफी, मेडल र प्रमाणपत्र प्रदान गरिनेछ भने बेस्ट बलर र बेस्ट ब्याट्सम्यानलाई समान १ हजार १२५ नगद पुरस्कारसहित ट्रफी, मेडल र प्रमाणपत्र प्रदान गरिने आयोजकले जनाएको छ ।
