बेपत्ता भएकी दार्चुलाकी एक महिला मृत फेला
दार्चुला –दार्चुलामा झण्डै एक महिना अघि बेपत्ता भएकी एक महिला मृत अवस्थामा फेला परेकी छन् । दार्चुलाको नौगाड गाउँपालिका –१ बगडकी ४८ बर्षीया धानादेवी ठगुन्ना मृत अवस्थामा फेला परेकी जिल्ला प्रहरी कार्यालय दार्चुलाका प्रवक्ता प्रहरी निरीक्षक ज्ञानेन्द्रबहादुर सिंहले जानकारी दिए ।
गएको असोज ३ गते घरबाट छोरीको घर जान्छु भनि हिँडेकी धाना सम्पर्क विहिन भएकी थिइन् । उनको शव मंगलबार नौगाड गाउँपालिका १ बिलासौ जंगलमा फेला परेको प्रहरीले जनाएको छ ।
उनको शरीरको कंकाल फेला परेको र उनले लगाएको लुगा तथा झोलाबाट उनकै शव भएको प्रमाणित भएको प्रहरीले जनाएको छ ।
ठगुन्नाको मृत्युको कारण भने खुल्न सकेको छैन् । घटनाका बिषयमा थप अनुसन्धान भइरहेको प्रहरीले जनाएको छ ।
प्रकाशित मिति: बुधबार, कात्तिक १, २०८० १६:३६
प्रतिक्रिया दिनुहोस्
थप दार्चुला
लोकप्रीय
