बैतडी- विजया दशमीको अवसरमा बैतडीमा बाशुलिङ्ग प्रिमियर लिग (बिपीएल ) सिजन टू हुँदै छ । बाशुलिङ्ग क्रिकेट क्लवको आयोजनामा सुर्नया गाउँपालिका वडा नं २ स्थित सिद्धखाली खेलमैदानमा बिपीएल सिजन टू हुन लागेको हो ।
विजया दशमी २०८० को अवसरमा क्रिकेट प्रतियोगिताको आयोजना गरिएको बाशुलिङ्ग क्रिकेट क्लवका पूर्व सचिव नवराज ऐरिले बताए । क्रिकेट प्रतियोगिता कार्तिक २ गते देखि सञ्चालन हुने उनले बताए । क्रिकेट प्रतियोगितामा उचित पुरस्कारको समेत व्यवस्था गरिएको छ ।
प्रथम हुने टिमलाई नगद ३५ हजार ट्रफि, मेडल र प्रमाणपत्र प्रदान गरिने छ । यस्तै द्धितयलाई नगद १८ हजार सहित ट्रफि, मेडल र प्रमाणपत्र र म्यान अफ दी सिरिजलाई २५ सय ट्रफि, मेडल र प्रमाणपत्र प्रदान गरिने छ । यस्तै बेष्ट ब्याट्सम्यान र बेष्ट बलरलाई ट्रफि, मेडल र प्रमाणपत्र प्रदान गरिने छ । त्यसैगरि म्यान अफ दी म्याचलाई ट्रफि प्रदान गरिने आयोजकले जनाएको छ ।
क्रिकेट प्रतियोगितामा सहभागिता जनाउने टिमले यहि असोज ३० गते सम्म टिम दर्ता गराइ सक्नु पर्ने छ । टिम दर्ता शुल्क ६ हजार ५ सय तोकिएको छ । २०६९ सालमा स्थापना भएको बाशुलिङ्ग क्रिकेट क्लवले प्रत्येक वर्ष कार्यक्रम गर्दै आएको क्लवका संस्थापक अध्यक्ष प्रकाश चन्दले बताए ।
आफुहरु क्लवको स्थापना काल देखि प्रत्येक वर्ष विभिन्न कार्यक्रम गर्दै आएका भएपनि स्थानीय सरकारबाट अहिले सम्म कुनै सहयोग नमिलेको क्लवका पदाधिकारीहरुको गुनासो छ । सबैको साथ सहयोग मिले अब प्रत्येक वर्ष बिपीएल गरिने क्लवका पूर्व सचिव ऐरिले बताए।
