कञ्चनपुरमा मोटरसाइकल दुर्घटना हुँदा एक जनाको मृत्यु
कञ्चनपुर –कञ्चनपुरमा मोटरसाइकल दुर्घटना हुँदा एक जनाको मृत्यु भएको छ । शुक्रवार राति १० भएको दुर्घटनामा एक जना घाइते भएका छन् ।
जिल्लाको दोधाराचाँदनी नगरपालिका–६ मा म १ प २४६८ नम्बरको मोटरसाइकल र से २ प १४५२ नम्बरको मोटरसाइकल आपसमा ठोक्किएर दुर्घटना भएको प्रदेश ट्राफिक प्रहरी कार्यालय अत्तरियाले जनाएको छ ।
दुर्घटनामा परेर सोही ठाँउका २५ वर्षीय चालक गोपाल सुनारको घटनास्थलमै मृत्यु भएको छ भने अर्का चालक घाइते भएका छन् ।
घाइतेको अहिले भारतमा उपचार भइरहेको प्रहरीले जनाएको छ ।
प्रकाशित मिति: शनिबार, असोज २०, २०८० ०९:२८
प्रतिक्रिया दिनुहोस्
