बैतडीको डिलाशैनी गाउँपालिकाका हाकिमको हाजिर भएको ८ दिनमै सरुवा
बैतडी- बैतडीको डिलाशैनी गाउँपालिका हाकिमको आठ दिनमै सरुवा भएको छ । गाउँपालिकाका प्रमुख प्रशासकीय अधिकृत रञ्जय पटेलको पालिकामा हाजिर भएको आठ दिनमै सरुवा भएको हो ।
उनको सर्लाहीको धनकौल गाउँपालिका सरुवा भएको हो । प्रमुख प्रशासकीय अधिकृत पटेलेको हाजिर भएको आठ दिनमै सरुवा भएको गाउँपालिकाका प्रवक्ता यज्ञ राज भट्टले जानकारी दिए । पटेल डिलाशैनी गाउँपालिकाको प्रमुख प्रशासकीय अधिकृतको रुपमा असोज ८ गते हाजिर भएका थिए ।
मन्त्रालयले पटेललाई डिलाशैनी गाउँपालिकाको प्रमुख प्रशासकीय अधिकृतको रुपमा गत भदौमा खटाएपनि उनि असोज ८ गते देखि कार्यालयमा हाजिर भएका थिए । मन्त्रालयबाट सरुवाको पत्र आएपछि आफु डिलाशैनीबाट सर्लाही जान लागेको उनले बताए ।
आफुलाई संघीय मामिला तथा सामान्य मन्त्रालयले सर्लाहीको धनकौल गाउँपालिकामा सरुवा गरेको उनको भनाई छ ।
प्रकाशित मिति: मंगलबार, असोज १६, २०८० १८:२०
प्रतिक्रिया दिनुहोस्
थप बैतडी
साताको लोकप्रीय
