Sagun Khabar
बैतडीकी भागरथीको ७० हजार बोकेको झोला महाकाली नदीमा खस्यो !

बैतडी- बैतडीकी भागरथीको ७० हजार बोकेको झोला  महाकाली नदीमा खसेको छ । दशरथचन्द नगरपालिका २ देहिमाडौं    रजुन्डाकी भागरथी बोहराले बोकेको झोला गाडीबाट ओर्लिने क्रममा सडक किनारबाट बिहीवार महाकालीमा खसेको हो ।

किनमेलका लागि बिहीबार झुलाघाट बजार जाने क्रममा उनले बोकेको झोला मौराभीरबाट महाकालीमा खसेको बताइएको छ ।केही दिन अघि मात्रै  भारतमा रहेका  श्रीमानले पठाएका   रुपैँया  लगेर   बोहरा बिहीबार किराना पसलको सामान किन्न झुलाघाट गएकी थिइन् । 

Sukkha falful bikas kendra
स्वास्थ्य सन्देश
Atrya hospital

गाउँमा किराना पसल सञ्चालन गरेर गुजारा गर्दै गएकी भागरथीले पैसाको झोला महाकालीमा खसेपछि  आँसु खसाल्दै रित्तो हात घर फर्किनु परेको बताइन् ।  गाडीबाट ओर्लिने  क्रममा साँघुरो सडक किनारबाट भागरथीको झोला भीरबाट महाकालीमा खसेको सशस्त्र प्रहरी बल नेपालको झुलाघाट  सीमा पोष्टका इन्चार्ज राजेन्द्रनाथ योगीले जानकारी दिए ।

सशस्त्र प्रहरी बलको उद्धार टोलीले महाकाली नदी किनारसम्म खोज गरे पनि झोला नभेटिएको बताइएको  छ ।   झोलामा नगदसहित बिक्रीका लागि हरियो काँक्रासमेत रहेका थिए।
 

प्रकाशित मिति: बिहीबार, भदौ २८, २०८०  १६:२१
प्रतिक्रिया दिनुहोस्
Weather Update