सिम्रिक एअर दुर्घटना : पाइलट सुरेन्द्र पौडेल र यात्रु भविन गुरुङको हेलिकप्टरबाटै उद्धार
काठमाण्डौ – संखुवासभाको भोटखोला गाउँपालिका वडा नम्बर ४ को हम्बरेडाँडामा सिम्रिक एअरको हेलिकप्टर दुर्घटना भएको छ ।
आज दिउँसो भएको दुर्घटनामा पाइलट सुरेन्द्र पौडेल र स्थानीय भविन गुरुङ घाइते भएका छन् । दुवै जनालाई सोलुखुम्बुबाट गएको सिम्रिक एअरकै हेलिकप्टरले उद्धार गरेर थप उपचारका लागि काठमाण्डौ लगेको भोटखोला–४ का वडाध्यक्ष विकास तामाङले जानकारी दिए ।
माथिल्लो अरुण जलविद्युत् आयोजनाको सामान बोकेर गएको हेलिकप्टर दुर्घटनमा परेको हो । हेलिकप्टरमा आगो लागेको छैन । वडाध्यक्ष तामाङले हेलिकप्टरमा रहेका अरू दुई जना हाम फालेर सुरक्षित रहेको बताए पनि यसको पुष्टि भएको छैन ।
प्रकाशित मिति: शुक्रबार, वैशाख २२, २०८० १४:४१
प्रतिक्रिया दिनुहोस्
थप राष्ट्रिय
साताको लोकप्रिय
