चितवन– २ मा भारी मतका साथ रास्वपा सभापति लामिछाने विजयी
काठमाण्डौ – चितवन–२ मा राष्ट्रिय स्वतन्त्र पार्टीका रवि लामिछाने फराकिलो मतान्तरसहित विजयी भएका छन् । उनले यसअघिको आफ्नै रेकर्डसमेत तोडेका छन् ।
गएको मंसिर ४ गते भएको चुनावमा उनले ४९ हजार ३ सय मत ल्याएर विजयी भएका थिए भने अहिले ५४ हजार १ सय ७६ मत पाएका छन् । उनले अहिले मंसिरमा पाएको सर्वाधिक मतको पनि रेकर्ड ब्रेक गरेका हुन् ।
उपचुनावमा नेपाली कांग्रेसका जितनारायण श्रेष्ठले ११ हजार २ सय ५१ मत ल्याए । यस्तै, एमालेका रामप्रसाद न्यौपानेले १० हजार ९ सय ३५ पाए ।
यसअघि यही क्षेत्रबाट विजयी रवि लामिछानेको नागरिकता विवादमा पद गुमेसँगै उपचुनाव भएको हो । सर्वोच्च अदालतको आदेशअनुसार पद गए पनि आफ्नो नागरिकता जिल्ला प्रशासन कार्यालयबाट कायम गराएर लामिछानेले फेरि चुनावी प्रतिस्पर्धा गरेका हुन् ।
प्रकाशित मिति: मंगलबार, वैशाख १२, २०८० १३:०८
प्रतिक्रिया दिनुहोस्
थप राष्ट्रिय
साताको लोकप्रिय
