दार्चुलाको अपिहिमालमा असिनाले बालीनाली सखाप
दार्चुला – बर्षासंगै परेको असिनाले दार्चुलाको अपिहिमालमा बालीनाली सखाप पारेको छ । शुक्रबार परेको असिनाले अपिहिमाल गाउँपालिकामा बालीनाली सखाप पारेको स्थानीय उर्मिला बोहराले बताइन् ।
हिउँदे बर्षा नभएका कारण खासै सप्रन नसकेको बालीमा असिनाले क्षति पुर्याएपछि किसानहरु चिन्तित बनेका छन् । असिनाले गहुँ, जौं लगायतका बाली नष्ट गरेको बोहराले बताइन् । यस्तै तरकारी बाली र फलफूलका बोटहरुमा समेत असिनाले क्षति पुर्याएको छ ।
असिनापानीले जिल्लाका विभिन्न स्थानमा क्षति पुर्याएको खबर प्राप्त भएको कृषि ज्ञान केन्द्र दार्चुलाले जनाएको छ ।
प्रकाशित मिति: शनिबार, चैत १८, २०७९ १६:४२
प्रतिक्रिया दिनुहोस्
थप दार्चुला
लोकप्रीय
