नेविसंघ बैतडीले काठमाण्डौंमा विद्यार्थीहरुलाई राहत वितरण गर्यो
बैतडी –नेपाल विद्यार्थी संघ जिल्ला कार्यसमिति बैतडीले काठमाण्डौंमा विद्यार्थीहरुलाई राहत वितरण गरेको छ । बैतडी घर भई काठमाण्डौंमा अध्ययनरत ७० जना विद्यार्थीहरुलाई राहत वितरण गरेको नेपाल विद्यार्थी संघ बैतडीका अध्यक्ष कपील केसीले जानकारी दिए ।
जारी लकडाउनका कारण समस्यामा परेका विद्यार्थीहरुलाई १५ केजी चामल, १ लिटर तेल, २ केजी दाल र १ केजी नुन वितरण गरिएको हो ।
समस्यामा परेका विद्यार्थीहरुलाई राहत वितरणका लागि नेपाल विद्यार्थी संघ बैतडीका सदस्य नरेश बिष्टले सहजीकरण गरेको अध्यक्ष केसीले बताए । समस्यामा परेका विद्यार्थीहरुलाई सहयोग पुर्याउन शनिबार राहत वितरण गरिएको नेपाल विद्यार्थी संघ बैतडीले जनाएको छ ।
प्रकाशित मिति: शनिबार, असार ५, २०७८ १४:५८
प्रतिक्रिया दिनुहोस्
साताको लोकप्रीय
