पहिरोका कारण जयपृथ्वी राजमार्ग अवरुद्ध
बैतडी –लगातारको बर्षाका कारण खसेको पहिरोले जयपृथ्वी राजमार्ग अवरुद्ध भएको छ । सो सडकको ढोल्यामोडबाट करीब ५ सय मिटर अगाडि पहिरो खसेकाले सडक अवरुद्ध भएको जिल्ला प्रहरी कार्यालय बैतडीका प्रवक्ता प्रहरी निरीक्षक दर्शन खड्काले बताए ।
गएराती सडकमा पहिरो खसेको उनले बताए । सडकमा पहिरो खसेपछि खाद्यान्न सामग्री बोकेका गाडीहरु पनि बीचबाटोमै रोकिएका छन् ।
सडक खुलाउनका लागि समन्वय भईसकेको र पानी परिरहेकाले पहिरो पन्छ्याउन समस्या भईरहेको प्रहरीले जनाएको छ । बर्षातको समयमा पहिरोका कारण जयपृथ्वी राजमार्ग बेला बेलामा अवरुद्ध हुने गरेको छ ।
प्रकाशित मिति: मंगलबार, असार १, २०७८ ०८:५३
प्रतिक्रिया दिनुहोस्
साताको लोकप्रीय
