दार्चुला दार्चुलामा जीप दुर्घटना हुँदा ४ जना घाइते भएका छन्।  नौगाड गाउँपालिका ४ होपरीमा अइतबार  बिहान जीप दुर्घटना भएको हो।

घाइते हुने मध्ये  चालक धनबहादुर धामी, २८ वर्षीय कमलेश टमटा, १९ वर्षीय सुरे ठगुन्ना र २८ वर्षीय धनबिर टमटा घाइते भएको प्रदेश ट्राफिक प्रहरी कार्यालय अत्तरियाले जनाएको छ। से १ ज १०७८ नम्बरको जीप दुर्घटनाममा परेको हो । 

घाइते मध्ये चालक धामीको अवस्था गम्भीर रहेको र सबैको उपचार गोकुलेश्वर अस्पतालमा भइरहेको प्रहरीले बताएको छ। घटनाको थप अनुसन्धान भइरहेको प्रहरीले बताएको छ।