दार्चुलामा एउटै रुखमा झुण्डिएको अवस्थामा आमा -छोरीको शव फेला
दार्चुलाको शैल्यशिखर नगरपालिकामा एउटै रुखमा झुण्डिएको अवस्थामा आमाछोरी मृत फेला परेका छन् । शैल्यशिखरको वडा नम्बर ८ तल्चौरामा आमा र नाबालिका झुन्डिएको अबस्थामा मृत फेला परेको जिल्ला प्रहरी कार्यालय दार्चुलाले जनाएको छ ।
प्रहरीका अनुसार शैल्यशिखर नगरपालीका वडा नम्बर ७ का शिबराज बिष्ट की २३ बर्षीया श्रीमती सरस्वती बिष्ट र उनकी १ बर्षीया छोरी जेनिसा बिष्ट मृत अवस्थामा फेला परेका हु्न् । घरबाट माईत जान्छु भन्दै बच्चा पनि साथमा लिएर गएका आमाछोरी झुण्डिएको अबस्थामा फेला परेको खबर पाएपछि ईलाका प्रहरी कार्यालय गोकुलेश्वरबाट प्रहरी टोली खटिएको थियो।
प्रहरीले घटनास्थलको मुचुल्का बनाएर पोष्टमार्टमको लागि शवलाई गोकुलेश्वर अस्पताल लगेको स्थानीय पुष्पराज जोशीले बताए । घटनाबारे अनुसन्धान भइरहेको प्रहरीले जनाएको छ ।
प्रकाशित मिति: शुक्रबार, माघ १४, २०७८ २१:४७
प्रतिक्रिया दिनुहोस्
थप दार्चुला
लोकप्रीय
