बैतडी –कोरोनाबाट मृत्यु भएका बैतडीको पाटन नगरपालिका ४ का ४० बर्षीय पुरुषको शव नेपाली सेनाले व्यवस्थापन गरेको छ । कोरोना संक्रमणबाट ती पुरुषको शुक्रबार दिउँसो थप उपचारका लागि धनगढी लैजाँदै गर्दा मृत्यु भएको थियो ।
मृतकको शव पाटन नगरपालिकास्थित तिपडाघाटमा शुक्रबार साँझ नै व्यवस्थापन गरिएको नेपाली सेनाको हनुमानध्वज गुल्मका निमित्त गुल्मपति गिरिजा भट्टले जानकारी दिए ।
कोरोनाबाट मृत्यु भएकाको शव व्यवस्थापनका लागि बनाएको कार्यविधि अनुसार मृतकको शव व्यवस्थापन गरिएको उनले बताए ।
यही वैशाख २२ गते कोरोना पुष्टि भएर जिल्ला अस्पतालको आइसोलेसनमा उपचाररत ती पुरुषको स्वास्थ्यमा थप जटीलता आएपछि शुक्रबार धनगढी रेफर गरिएको थियो । धनगढी लैजाँदै गर्दा ती पुरुषको अनारखोलीमा मृत्यु भएको थियो ।
कोरोना दोश्रो लहर फैलिएसंगै बैतडीमा ३ जना संक्रमितको मृत्यु भईसकेको छ ।
