निङ्गलाशैनीको जात्रामा भक्तजनका लागि समाजसेवी भट्टले गरे निशुल्क गाडीको व्यवस्था
बैतडी–बैतडीको दशरथचन्द नगरपालिका–२ देहीमाण्डौंस्थित निङ्गलाशैनी भगवती मन्दिरमा लागेको अनन्त चतुर्दशी जात्रामा भक्तजनहरुका लागि एक जना युवा समाजसेवीले निशुल्क गाडीको व्यवस्था गरेका छन् ।
जिल्लाको दशरथचन्द नगरपालिका–४ विनासौंका युवा समाजसेवी एस.पी. भट्टले भक्तजनहरुका लागि निशुल्क गाडीको व्यवस्था गरेका हुन् । गोठलापानी, जोशीबुङ्गा र सतबाँझबाट देहीमाण्डौंसम्मका लागि निशुल्क तीनओटा गाडी सञ्चालन गरिएको भट्टले बताए ।
राष्ट्रिय स्वतन्त्र पार्टीका युवा नेता समेत रहेका भट्टले सामाजिक उत्तरदायित्व अन्तर्गत आफूले दर्शनार्थीहरुका लागि उक्त व्यवस्था गरेको जनाएका छन् । निशुल्क गाडीको व्यवस्था भएपछि दर्शनार्थीहरुलाई समेत सहज भएको छ ।
यसअघि उनले त्रिपुरासुन्दरी जात्रामा समेत भक्तजनहरुका लागि निशुल्क बसको व्यवस्था गरेका थिए ।
प्रकाशित मिति: शुक्रबार, असोज ९, २०८३ १५:१६
प्रतिक्रिया दिनुहोस्
थप बैतडी
साताको लोकप्रिय
