बैतडी– बैतडीमा हातहतियार तथा खरखजना सम्बन्धि मुद्दामा फरार   एक जना पक्राउ परेका छन् । पक्राउ पर्नेमा जिल्लाको दोगडा केदार गाउँपालिका ८ का ५३ वर्षीय अमर बहादुर बिष्ट रहेका जिल्ला प्रहरी कार्यालय बैतडीका प्रबक्ता, प्रहरी निरीक्षक सुरज सिहले बताए ।

जिल्ला अदालत बैतडीको फैसलाले हातहतियार तथा खरखजना सम्बन्धि मुद्दामा २१ दिन कैद सजाय र ५ हजार जरिवाना तोकिएको दोगडाकेदारका बिष्ट पक्राउ परेका हुन् ।

बिष्टलाई जिल्ला प्रहरी कार्यालय बैतडीबाट खटिएको प्रहरीले मंगलबार निजकै घर ठेगानाबाट पक्राउ गरेको जनाएको छ ।

आवश्यक फैसला कार्यान्वयनका लागी जिल्ला कारागार डडेल्धुरा पठाइएको प्रबक्ता, प्रहरी निरीक्षक सुरज सिहले बताए ।