बैतडीमा भएको बस दुर्घटनामा गम्भिर घाईते मध्ये एक जनाको मृत्यु
बैतडी- बैतडीमा असार २० गते शनिबार भएको बस दुर्घटनामा गम्भिर घाईते मध्ये एक जनाको मृत्यु भएको छ । मृत्यु हुनेमा जिल्लाको पाटन नगरपालिका वडा न २ ह्सौडाका अन्दाजी ७८ बर्षीय रामदत्त पाण्डेय रहेका जिल्ला प्रहरी कार्यालय बैतडीका प्रवक्ता, प्रहरी निरीक्षक भुवनप्रसाद तिमिल्सैनाले बताए ।
दुर्घटना परि घाईते मध्ये केहिको घनगढी स्थीत मायामेट्रो अस्पतालमा उपचार भइरहेको छ । पाण्डेयको उपचारकै क्रममा मायामेट्रो अस्पतालमा बिहिबार मृत्यु भएको हो ।
धनगढीबाट बैतडी आउँदै गरेको सुपप्र ०१–००१ ख ३९६३ नम्बरको बस शुक्रबार दिउँसो साढे तीन बजेतिर पाटन नगरपालिका–९ गैराखानमा दुर्घटनामा परेको थियो । उक्त दुर्घटनामा चालकसहित २४ जना घाइते भएका थिए ।
प्रहरीका अनुसार बस सडकबाट अन्दाजी १ सय मिटर तल खसेको थियो ।
प्रकाशित मिति: बिहीबार, असार २५, २०८३ १६:११
प्रतिक्रिया दिनुहोस्
थप बैतडी
साताको लोकप्रिय
