बाजुरामा जिप दुर्घटना हुँदा तीन जनाको मृत्यु, १६ जना घाइते
बाजुरा – बाजुरामा जिप दुर्घटना हुँदा तीन जनाको मृत्यु भएको छ । दुर्घटनामा १६ जना घाइते भएका छन् ।
हिमाली गाउँपालिकाको किउडीबाट धुलाचौरका छुटेको बा प्र.०३००१ज ०३३८ नम्बरको जिप चुइनीकोइराला भन्ने ठाउँमा दुर्घटना भएको हो ।
दुर्घटनामा परी मृत्यु हुनेमा हिमाली गाउँपालिका –५ की ७६ बर्षीया बाचा रोकाया, सोही गाउँकी ७५ बर्षीया विजौरा रोकाया र ३४ बर्षीया जुनेली रोकाया रहेका छन् ।
दुर्घटनामा अन्य १६ जना घाइते भएका छन् । दुगर्म भएका कारण घाइतेहरुको उद्धारमा कठीनाइ भएको बताइएको छ ।
कच्ची सडकमा क्षमताभन्दा बढी यात्रु बोक्दा दुर्घटना भएको अनुमान गरिएको छ ।
प्रकाशित मिति: बिहीबार, साउन ८, २०८२ १३:३३
प्रतिक्रिया दिनुहोस्
थप बाजुरा
साताको लोकप्रिय
