बैतडी –बैतडीको सुर्नया गाउँपालिकामा राष्ट्रिय धान दिवस तथा रोपाइँ महोत्सव मनाइएको छ । गाउँपालिकाको कृषि शाखाको आयोजनामा २२ औं राष्ट्रिय धान दिवस मनाइएको गाउँपालिकाकी उपाध्यक्ष मञ्जु बोहराले बताइन्। 

गाउँपालिकाकै नर्सरीमा धान रोपेर धान दिवस मनाइएको उनले बताइन् । धान दिवसको अवसरमा आयोजित कार्यक्रममा गाउँपालिका अध्यक्ष अम्मरबहादुर कुँवर, उपाध्यक्ष मञ्जु बोहरा, प्रमुख प्रशासकीय अधिकृत लोगराज जोशी, वडा अध्यक्ष लगायतका जनप्रतिनिधि र कर्मचारीहरुले धान रोपेका थिए । 

हरेक बर्ष असार १५ गतेलाई राष्ट्रिय धान दिवसको रुपमा मनाउने परम्परा अनुसार पालिकामा पनि धान दिवस मनाइएको गाउँपालिका अध्यक्ष अम्मरबहादुर कुँवरले बताए ।