बाजुरामा बसको ठक्करबाट चार बर्षीय बालकको मृत्यु
बाजुरा –बाजुरामा बसको ठक्करबाट चार वर्षीय बालकको मृत्यु भएको छ । जिल्लाको बुढीगंगा नगरपालिका–८ का चार वर्षीय बालक निशु लुहारको बसको ठक्करबाट मृत्यु भएको हो ।
जिल्ला सदरमुकाम मार्तडीबाट महेन्द्रनगरतर्फ जाँदै गरेको सुदूरपश्चिम प्रदेश ०१–००१–१०२० नम्बरको बसले साँफे–मार्तडी सडकखण्ड अन्तर्गत बेतालमाण्डौ बजारमा उनलाई ठक्कर दिएको जिल्ला प्रहरी कार्यालय बाजुराका प्रहरी नायब उपरीक्षक दीलिपकुमार गिरीले बताए ।
बसले ठक्करबाट बालकको घटनास्थलमै मृत्यु भएको हो । घटना बिहिवार दिउँसो ३ बजेर ३३ मिनेटमा भएको थियो ।
बालकलाई ठक्कर दिने बस र चालक कञ्चनपुरको बेलडाँडी गाउँपालिका–१ का ४९ वर्षीय दिवाकर भट्टलाई नियन्त्रणमा लिई थप अनुसन्धान भइरहेको प्रहरीले जनाएको छ ।
प्रकाशित मिति: बिहीबार, माघ १०, २०८१ २०:२१
प्रतिक्रिया दिनुहोस्
साताको लोकप्रिय
