फेरि बढ्दै सुनको भाउ
काठमाण्डौ – सुनको भाउ हिजो र आज दुई दिनमै तोलामा तीन हजार रुपैयाँले बढेको छ । आज सुन एकैदिन तोलाको एक हजार नौ सय रुपैयाँ र हिजो एक हजार एक सय रुपैयाँले बढेको हो ।
सुनको भाउ आज तोलामा एक लाख ६० हजार रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । हिजो सुनको भाउ तोलाको एक लाख ५८ हजार एक सय रुपैयाँ रहेको थियो ।
यस्तै चाँदीको भाउ पनि बढेको छ । आज चाँदीको भाउ तोलामा २० रुपैयाँले बढेर एक हजार आठ सय ९५ रुपैयाँ कायम भएको महासङ्घले जनाएको छ । हिजो चाँदीको भाउ तोलाको एक हजार आठ सय ७५ रुपैयाँ रहेको थियो ।
प्रकाशित मिति: बुधबार, माघ ९, २०८१ ११:०५
प्रतिक्रिया दिनुहोस्
साताको लोकप्रिय
