नेपाल का प्रमुख दल का नेता सहित प्रधानमन्त्री केपि शर्मावली को फोटो लाई मृत्यु को कामना सहित तर्पण दिदै यमराजको पुजा गर्न लागेका धर्मगुरु पुष्कर खतिवडालाई प्रहरीले पक्राउ गरेको छ । 

मण्डिखाटारस्थित यज्ञ गरिरहेका खतिवडालाई पक्राउ गरिएको जिल्ला प्रहरी परिसर काठमाडौँका एकजना अधिकृतले बताए । उनले आयोजना गरेको यज्ञ ‘राम्रा उद्देश्यका लागि नगरेको’ आरोपमा पक्राउ गरिएको अनुसन्धानमा संलग्न अधिकृतहरुले बताएकाछन् । 

झापा स्थायी घर भएका खतिवडाले आफ्नै घरमाा यज्ञको आयोजना गरेका हुन् । उनी धार्मिक भेषमा हिँड्छन् ।  प्रहरीका अनुसार उनले नेताहरूको मृत्युको लागि यमराजको पुजा गर्न लागेको भन्दै प्रचार गरेको बताइएको छ। धर्मगुरु खतिवडाले नेताहरूलाई तर्पण दिन भन्दै सर्वसाधारणलाई समेत सामाजिक संजालमार्फत निम्तो दिएका थिए ।