![चट्याङ लागेर अछाममा एक बालकको मृत्यु, डडेल्धुरामा तीन जना घाइते](https://mail.sagunkhabar.com/uploads/posts/1544819809chatyang1684050128.jpeg)
अछाम –अछाममा चट्याङ लागेर एक बालकको मृत्यु भएको छ ।
जिल्लाको रामारोशन गाउँपालिका–७ मेलकाटियाका कमल भण्डारीका छ वर्षीय छोरा गौरवको चट्याङ लागेर मृत्यु भएको हो । सोमवार राति हुरीबताससँगै परेको चट्याङले उनको मृत्यु भएको सोही वडाका पूर्वअध्यक्ष खड्कबहादुर भण्डारीले बताए ।
यस्तै डडेल्धुरामा चट्याङले एकै घरका तीनजना घाइते भएका छन् भने घर पूर्ण रूपमा नष्ट भएको छ ।
सोमवार बेलुका परेको चट्याङले अमरगढी नगरपालिका–३ कोटेउडाका देवराज पाण्डेय, उनकी श्रीमती चन्द्रावतीदेवी र छोरा दिपेश घाइते भएका हुन् ।
उनीहरूको अवस्था सामान्य रहेको स्थानीय विष्णु पाण्डेयले बताए ।
प्रकाशित मिति: मंगलबार, वैशाख २५, २०८१ १०:१९
प्रतिक्रिया दिनुहोस्