विद्युत विस्तारको माग गर्दै नगरपालिकालाई ज्ञापन पत्र
बैतडी –मेलौली नगरपालिकाका सबै वडामा विद्युतको राष्ट्रिय प्रशारण लाइन जडानको माग गर्दै नगरपालिकालाई ज्ञापन पत्र बुझाइएको छ ।
विद्युत विस्तारका लागि गठन गरिएको संघर्ष समितिका तर्फबाट आइतबार नगरपालिकाका प्रमुख प्रशासकीय अधिकृत सपना कार्कीलाई ज्ञापन पत्र बुझाइएको हो ।
सुर्नयागाड चौथो लघुजल विद्युत आयोजनाबाट विद्युत आपूर्ती बन्द भएकाले राष्ट्रिय प्रशारण लाइन जडानका लागि नगरपालिकाले पहल गर्नुपर्ने ज्ञापन पत्रमा उल्लेख गरिएको छ ।
संघर्ष समितिका संयोजक विरेन्द्र भट्ट र बजार व्यवस्थापन समितिका उपाध्यक्ष विजयसिंह नायकले हस्ताक्षर गरेको ज्ञापन पत्रमा नगरपालिकाकातर्फबाट विद्युत जडानका लागि पहल गर्न आग्रह गरिएको छ ।
प्रकाशित मिति: आइतबार, साउन १४, २०८० १५:०१
प्रतिक्रिया दिनुहोस्
थप बैतडी
साताको लोकप्रिय
