जङ्गली च्याउँ खाँदा बैतडीमा एकै घरका पाँच जना बिरामी
बैतडी- बैतडीमा जङ्गली च्याउँ खाँदा पाँच जना बिरामी परेका छन् । बिषालु च्याउँ खाँदा जिल्लाको सुर्नया गाउँपालिका ३ तडीगाउँमा एकै घरका पाँच जना बिरामी परेका हुन् ।
बिरामी हुनेमा ३८ वर्षिय टेकराज भट्ट, ३० वर्षिया धैली भट्ट, १२ वर्षीय भुवन, १० वर्षीया शारदा र ८ वर्षीय डब्लु रहेका छन्। स्रोतका अनुसार उनिहरुले बिहीवार दिउंसो जङ्गबाट ल्याएको च्याउँ खाएका थिए । च्याउँ खाएर बिरामी परेका उनहिरुलाई वडाकै बाशुलिङ्ग स्वास्थ्यचौकी लगिएको थियो ।
स्वास्थ्यचौकीमा सामान्य उपचारपछि पाँचै जनालाई थप उपचारका लागि बिहीवार साँझ नै डडेल्धुरा अस्पताल पठाइएको बाशुलिङ्ग स्वास्थ्यचौकी इन्चार्ज दलबहादुर विष्टले बताए । अहिले उनिहरुको डडेल्धुरा अस्पतलामा उपचार भैरहेको छ । अवस्था सामान्य रहेको बताइएको छ ।
प्रकाशित मिति: शुक्रबार, साउन ५, २०८० ०७:३३
प्रतिक्रिया दिनुहोस्
थप बैतडी
साताको लोकप्रिय
