बैतडी- बैतडीमा एक अबैध  क्लिनिक सिल गरिएकोछ  । जिल्लाको  सिगास  गाउँपालिका  वडा नं  २ गाँजरिमा मापदण्ड विपरीत सञ्चालनमा रहेको   क्लिनिक  सिल गरिएको  हो । स्वास्थ्य  कार्यालय  बैतडीका अनुसार   गाँजरिमा  रहेको  जै  अनिरुद्र सिगास क्लिनिक  सिल गरिएको  हो । 

क्लिनिक दर्ता नगरेर  अर्के व्यक्तिको  लाइसेन्सबाट  स्वास्थ्य विषय अध्यन नगरेको व्यक्तिले सञ्चालन गरेको  पाइएपछि सिल गरिएको  स्वास्थ्य कार्यालय  बैतडीका प्रमुख  योगेश प्रशाद भट्टले  जानकारी  दिए । 

जिल्ला प्रशासन कार्यालय , स्वास्थ्य  कार्यालय  लगायतको  संयुक्त टोलि अनुगमनमा जाँदा मापदण्ड  विपरीत  क्लिनिक सञ्चालन गरेको  भेटिएपछि  सिल गरिएको  उनले  बताए । अबैध  क्लिनिक सञ्चालन गर्ने  सञ्चालक खेमराज अवस्थीलाई  प्रहरीले  पक्राउ गरेको   बताइएको छ ।