सुदूरपश्चिम प्रदेशमा आज ठूलो पानी पर्ने सम्भावना
बैतडी- सुदूरपश्चिम प्रदेशमा आज ठूलो पानी पर्ने मौसमविद्ले बताएका छन् । दिउँसो वा बेलुकीपख सुदूरपश्चिम प्रदेशका केही ठाउँमा ठूलो पानी पर्ने मौसमविद्हरुले बताएका हुन् ।
ठूलो पानी पर्ने भन्दै मौसमविद् गोविन्द झाले सतर्कता अपनाउन आग्रह गरेका छन् । उहाँका अनुसार देशका अन्य ठाउँमा भने आज हल्कादेखि मध्यम वर्षाको अनुमान छ ।
अहिले कोशी, गण्डकी, बाग्मती र कर्णाली प्रदेशका केही ठाउँमा पानी परिरहेको छ । काठमाण्डौलगायत आसपासका क्षेत्रमा घाम लागेको छ । तर, अहिले घाम लागे पनि फेरि बदली भइ दिउँसो पछि पानी पर्ने सम्भावना रहेको मौसमविद् गोविन्द झाले बताए ।
प्रकाशित मिति: बिहीबार, असार २१, २०८० ०७:४८
प्रतिक्रिया दिनुहोस्
साताको लोकप्रिय
