बैतडी- बैतडीको सिद्धेश्वर  मावि हुक्केडाँडाको विद्यालय भवन पहिरोको जोखिममा परेको छ । जिल्लाको पाटन नगरपालिका  वडा नं ९ स्थित सिद्धेश्वर माविको ३ कोठे भवन  पहिरोको  जोखिममा परेको  हो ।

हिजो र अस्तिको  लगातारको  वर्षाका कारण भवनको आगन भाँसिएर भवन जोखिममा परेको  विद्यालय व्यवस्थापन समिति अध्यक्ष प्रेमसिंह भाटले जानकारी दिए ।  लगातारको वर्षाको कारण आगन भाँसिन थालेपछि  भवन भत्किने अवस्थामा पुगेको उनले  बताए । 

फिल्ड र आगन  भाँसिएर  विद्यालय भवन पहिरोको जोखिममा परेपछि पठनपाठन प्रभावित भएको विद्यालय स्रोतले जनाएको छ । विद्यालय  भवन  जोखिममा परेको  भन्दै  विद्यालय  परिवारले  आवश्यक सहयोगका लागि सरोकारवाला निकायलाई अनुरोध गरेको छ ।  

मनसुन सक्रिय भएर  लगातार वर्षा भैरहेकाले  पहिरोले  विद्यालय  भवन भत्किने खतरा बढेको  छ ।