गोविन्द पन्त - बैतडी - बैतडीका गायक प्रेम कोलीको जिन्दगीले कस्तो मोड लियो गीत सार्वजनिक भएको छ । जिल्लाको पाटन नगरपालिका वडा नं ३ गुजर बेण्डा घर भएका कोलीको आधुनिक गीत बुधबार सार्वजनिक भएको हो ।

कोलीको स्वर,शब्द र अभिनय रहेको यो गीत  park av offical नामक युटूब च्यानलबाट सार्वजनिक भएको छ । गायक कोली लामो समय देखि संगीत क्षेत्रमा छन् । म्युजिक भिडियोमा उनी संगै पुजाले पनि अभिनय गरेकी छिन् ।

यो भन्दा पहिले पनि धेरै चोटि आफ्ना गीत बजारमा ल्याइसकेका कोलीले यो पटक भने जिन्दगीको व्याख्या गर्दै नेपाली आधुनिक गीत बजारमा ल्याएका हुन् ।

फूल गुराँस नामको आफ्नै यथार्थ कथामा आधारित गीतबाट  सांगीतिक यात्रा सुरु गरेका गायक प्रेमले यस अघि मेरी मनकी माया, निरमाया, छमछम नाचिदे लगायतका गीत बजारामा ल्याएका थिए । दर्शक स्रोताको माया मिलिरहेकाले अझै गीतहरु बजारमा ल्याउने तयारी गरिरहेको गायक कोलीको भनाई  छ । भिडियो सहितको गीतका लागि यो लिंकमा   https://www.youtube.com/watch?v=u_yshwPHMyU  थिच्नुहोस् ।