अमेरिकाको केन्टकीमा आँधीका कारण ज्यान गुमाउनेको सङ्ख्या ७० पुग्यो
अमेरिकाको दक्षिणपूर्वी राज्य केन्टकीमा आएको आँधीका कारण ज्यान गुमाउनेको सङ्ख्या ७० पुगेको छ । अहिलेसम्म ४० जनाको उद्धार भएको छ ।
भग्नावशेषमा फसेकाहरुको उद्धारकर्मीले खोजी गरिरहेका छन् । एक सय भन्दा धेरै उद्योगमा असर परेको छ ।
आँधीका कारण केन्टकीमा विद्युत् र पानीको आपूर्ति बन्द भएको छ । केन्टकीसहित मिसौरी, अर्कान्सास, टेनेसा, मिसीसिपीलगायतका क्षेत्रमा आँधीको प्रभाव परेको छ ।
केन्टकीमा आपत्काल घोषणा गरिएको छ । राष्ट्रपति जो बाइडेनले आँधीबाट प्रभावित भएकाको सहयोगका लागि सक्दो पहल गर्ने प्रतिबद्धता जनाउनुभएको छ ।
साथै उहाँले प्रभावित नागरिकलाई धैर्य रहन आग्रह गर्नुभएको छ ।
-उज्यालो
प्रकाशित मिति: आइतबार, मंसिर २६, २०७८ ०९:१७
प्रतिक्रिया दिनुहोस्
थप बिश्व
लोकप्रीय
