कुलमान घिसिङ उज्यालो नेपाल पार्टीको अध्यक्षमा नियुक्त, रास्वपासँगको एकता भाँडियो
काठमाण्डौ – उज्यालो नेपाल पार्टीले अध्यक्षमा कुलमान घिसिङलाई नियुक्त गरेको छ । राष्ट्रिय स्वतन्त्र पार्टी (रास्वपा) नेपालसँगको एकता भाँडिएपछि उज्यालो नेपाल पार्टीले घिसिङलाई अध्यक्षमा नियुक्त गरेको पार्टी प्रवक्ता डा.राजु थापाले जानकारी दिए ।
उज्यालो नेपाल पार्टी निर्वाचन आयोगमा पार्टी दर्ता गर्दा अध्यक्षमा अनुप उपाध्याय रहेका छन् । घिसिङ रास्वपाको उपसभापति बन्ने गरी पुस १४ गते सहमति भए पनि उनले सहमति विपरीत माग राखेपछि एकता टरेको रास्वपाको दाबी छ । घिसिङ र रास्वपा सभापति रवि लामिछानेबीच हिजो र आज छलफल भएको थियो ।
प्रकाशित मिति: शनिबार, पुस २६, २०८२ १७:११
प्रतिक्रिया दिनुहोस्
साताको लोकप्रिय
