दार्चुला–दार्चुलाको उत्तरी क्षेत्र कालापानी र चीनको नाका आसपास केन्द्रविन्दु भएर भूकम्प गएको छ ।
दार्चुला जिल्लाको उत्तरी क्षेत्र कालापानी र चीनको नाका आसपास केन्द्रविन्दु भएर मंगलबार राति ९बजेर २४ मिनेटमा ४ दशमलटव ३ रेक्टरस्केलको भूकम्प गएको भूकम्प मापन केन्द्र सुर्खेतका प्रमुख चिन्तन तिमिल्सिनाले बताए ।
यसअघि सोमवार साँझ बाजुरा जिल्लाको मार्तडी आसपास केन्द्रविन्दु भएर तीन दशमलव छ रेक्टरस्केलको भूकम्प गएको थियो ।
यस्तै गएको आइतबार बिहान दार्चुलाको घुसा केन्द्रबिन्दु भएर ४दशमलव ६ रेक्टर स्केलको भूकम्प गएको थियो ।
पछिल्लो समय नेपालको पश्चिमी क्षेत्र भएर स–साना भूकम्प जानेक्रम जारी छ । नेपाल हिमालय क्षेत्र भएकाले विभिन्न समयमा सानाठुला भूकम्प जाने गरेको छ ।
पश्चिमी क्षेत्रमा ठूलो भूकम्प नगएको ५ सय बर्षभन्दा बढी समय भइसकेकाले भूकम्पीय जोखिम रहेको विज्ञहरुले बताउँदै आएका छन् ।
