भाषण गरिरहेका बेला बेहोस भएका जीफन्टका केन्द्रीय उपाध्यक्ष गौतमको निधन
काठमाण्डौ – राष्ट्रिय ट्रेड युनियन महासङ्घ (जीफन्ट)का केन्द्रीय उपाध्यक्ष कमल गौतमको आज आकस्मिक निधन भएको छ । रुपन्देहीको भैरहवामा रहेको नेपाल विद्युत् प्राधिकरण कार्यालय अगाडि आयोजित धर्ना कार्यक्रममा भाषण गरिरहेका बेला अचानक बेहोस भएका ६५ वर्षीय गौतमको निधन भएको हो ।
उनलाई तत्काल मणिग्राममा रहेको क्रिमसन अस्पताल पु¥याइएकोमा चिकित्सकले उपचारका क्रममा मृत घोषणा गरेका हुन् । बुटवल उपमहानगरपालिका–३ ज्योतिनगरका स्थायी बासिन्दा गौतम २०५४ सालदेखि नेकपा एमाले निकट मजदुर सङ्गठन जिफन्टमा सक्रिय रहेका थिए ।
ट्रंकलाइन विवादमा उद्योगहरूमा विद्युत् लाइन काटिएको विरोध आज उद्योगी र मजदुरले विरोध प्रदर्शन गरेका हुन् ।
प्रकाशित मिति: बिहीबार, कात्तिक १३, २०८२ १७:०१
प्रतिक्रिया दिनुहोस्
साताको लोकप्रिय
