नेपाल प्रहरीको आईजीपीमा चन्द्रकुबेर खापुङ नियुक्त
काठमाण्डौ – सरकारले नेपाल प्रहरीको महानिरीक्षक (आईजीपी) मा चन्द्रकुबेर खापुङलाई नियुक्त गर्ने निर्णय गरेको छ । आज बसेको मन्त्रिपरिषद् बैठकले १९ गतेदेखि लागू हुने गरी खापुङलाई महानिरीक्षक नियुक्त गरेको हो ।
अहिलेका महानिरीक्षक दीपक थापाले यही भदौ १८ गते राति १२ बजेदेखि अवकाश पाउँदैछन् । प्रधानमन्त्री केपी शर्मा ओली भोलिदेखि चीन भ्रमणमा जाने भएकाले आज बसेको मन्त्रिपरिषद् बैठकले प्रहरीको ३२औं आईजीपीको टुङ्गो लगाएको हो ।
खापुङ अहिले प्रहरीको केन्द्रीय अनुसन्धान ब्युरो (सीआईबी) का प्रमुख रहेका छन् । तेह्रथुममा जन्मिएका उनी २०५२ सालमा नेपाल प्रहरीको सेवामा प्रवेश गरेका थिए ।
प्रकाशित मिति: शुक्रबार, भदौ १३, २०८२ १४:३९
प्रतिक्रिया दिनुहोस्
साताको लोकप्रिय
